لاہور(میپ نیوز) رواں ہفتے کے آخری کاروباری روز کے دوران فی تولہ سونے کی قیمت میں 200 روپے کا اضافہ دیکھا گیا جبکہ دس گرام سونے کی قیمت ایک مرتبہ پھر ایک لاکھ روپے سے تجاوز کر گئی۔تفصیلات کے مطابق بین الاقوامی مارکیٹ میں فی اونس سونے کی قیمت میں 41 امریکی ڈالر کا اضافہ دیکھا گیا جس کے بعد عالمی مارکیٹ میں سونے کی نئی قیمت ایک ہزار 961 امریکی کرنسی ہو گئی ہے۔عالمی مارکیٹ میں قیمتیں بڑھنے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، راولپنڈی، ملتان، گوجرانوالہ سمیت دیگر جگہوں پر فی تولہ سونے کی قیمت میں دو سو روپے کا اضافہ دیکھا گیا جس کے بعد سونے کی نئی قیمت ایک لاکھ سولہ ہزار سات سو روپے ہو گئی ہے۔دوسری طرف فی تولہ سونے کی طرح دس گرام سونے کی قیمت میں 171 روپے بڑھوتری دیکھی گئی جس کے بعد دس گرام سونے کی قیمت ایک مرتبہ پھر ایک لاکھ روپے سے تجاوز ہونے کے بعد ایک لاکھ 51روپے ہو گئی ہے۔تاہم ملک بھر میں 24 قیراط فی تولہ چاندی اور دس گرام کی قیمتوں میں استحکام دیکھا گیا جس کے بعد دونوں کی قیمتیں بالترتیب 1380 روپے اور 1183.12 روپے ہو گئی ہے۔
