Map News

بنگلا دیش میں کشتیوں کے خوفناک تصادم میں 10 خواتین اور بچے جاں بحق

ڈھاکا(میپ نیوز) بنگلادیش میں دو مسافر بردار کشتیاں آپس میں ٹکرا گئیں جس کے نتیجے میں 10 افراد ڈوب کر جاں بحق ہوگئے جب کہ 15 لاپتہ ہیں۔عالمی خبر رساں ادارے کے مطابق بنگلا دیش کے ضلع نیٹروکانا کے دریائے گومالی میں ایک مسافر بردار کشتی کو موٹر سے چلنے والی کشتی نے زوردار ٹکر مار دی جس سے کشتی الٹ گئی اور 35 مسافر دریا میں ڈوب گئے۔ریسکیو ادارے کے غوطہ خوروں نے دریا میں سے 5 خواتین اور 5 بچوں کی لاشیں نکالی ہیں جب کہ 15 افراد تاحال لاپتہ ہیں۔ غوطہ خوروں نے 10 افراد کو زندہ نکالا ہے جنہیں قریبی اسپتال میں طبی امدد فراہم کی جارہی ہے۔زندہ بچ جانے والے افراد میں سے 4 کی حالت نازک بتائی جارہی ہے، اسپتال انتظامیہ نے ہلاکتوں میں اضافے کا خدشہ ظاہر کیا ہے۔ کشتی میں سوار زیادہ تر افراد کا تعلق ایک ہی خاندان سے ہے تاہم کشتی کی منزل اور سفر کی وجہ معلوم نہیں ہوسکی ہے۔

سب سے زیادہ پڑھی جانے والی مقبول خبریں


دلچسپ و عجیب

سائنس اور ٹیکنالوجی

اہم خبریں

تمام اشاعت کے جملہ حقوق بحق ادارہ محفوظ ہیں۔
Copyright © 2024 Map News. All Rights Reserved