کیلیفورنیا(میپ نیوز) امریکا کی معروف ٹیکنالوجی کمپنی ایپل ہر سال ستمبر میں اپنا نیا آئی فون متعارف کراتی ہے مگر اس مرتبہ روایت کو توڑتے ہوئے صرف دیگر پراڈکٹس کو پیش کیا گیا جن میں سمارٹ واچز قابل ذکر ہیں۔ایپل نے ایک نیا فیچر بھی متعارف کرایا گیا ہے جس سے والدین اپنے بچوں کی ایپل واچز کو کنٹرول کر سکیں گے۔ اس فیچر کا نام فیملی سیٹ اپ ہے۔اس کے علاوہ ایپل کی واچ 6 میں خون میں آکسیجن کی سطح کی مانیٹرنگ کرنے کا فیچر ہے جو صحت کے اس معاملے پر آگاہی دے گا۔ اس کے علاوہ کورونا سے بچنے کیلئے ہاتھوں کی صفائی،کورونا کیخلاف ہاتھوں کی صفائی کے ٹریکر اور نیند کی ٹریکنگ جیسے فیچرز بھی اس میں دیئے گئے ہیں۔اس سیریز میں واچ او ایس 7 کو شامل کیا گیا ہے جو اب سیریز 3 تک کی ڈیوائسز کے لیے بھی دستیاب ہوگا تاہم نئی واچ میں نئے سنسرز کی وجہ سے یہ زیادہ بہتر کام کرے گا۔
