اسلام آباد (میپ نیوز) وفاقی وزیر اطلاعات ونشریات شبلی فراز نے کہا ہے کہ اپوزیشن کی آل پارٹیز کانفرنس حکومت کو احتساب سے روکنے کے لئے دباؤ ڈالنے کی ایک کمزور کوشش ہےاتوار کو سماجی رابطہ کی ویب سائٹ ٹویٹر پر جاری پیغام میں انہوں نے کہا کہ قوم نے اچھی طرح سے دیکھا ہے کہ اپوزیشن نے ذاتی فائدے اور مقاصد کیلئے سیاست کا استعمال کیاوزیر اطلاعات شبلی فراز نے کہا کہ حزب اختلاف نے ذاتی جاگیروں کے تحفظ کیلئے پارلیمان کا استعمال کیا۔ان کا کہنا تھا کہ وزیراعظم عمران خان بدعنوانی کے خلاف اپنے عزم پر کوئی سمجھوتہ نہیں کریں گے، اس لئے کوئی این آر او نہیں دیا جائیگا۔
