مالے(میپ نیوز) مالدیپ کے سابق نائب صدر احمد ادیب کو منی لانڈرنگ اور اختیارات کے غلط استعمال کے جرم پر 20 سال قید کی سزا سنائی گئی ہے۔عالمی خبر رساں ادارے کے مطابق مالدیپ کے سابق نائب صدر احمد ادیب کو بطور وزیر سیاحت پروموٹرز سے کمیشن، جزیروں کی لیزنگ پر رشوت لینے اور قومی جزانے کو 26 کروڑ ڈالر کا نقصان پہنچانے کے جرم میں 20 سال قید اور ایک لاکھ 29 ہزار ڈالر جرمانہ عائد کیا گیا ہے۔احمد ادیب 2005 میں مخالف جماعت سے تعلق رکھنے والے سابق حکمراں کو بم سے اُڑانے کی کوشش میں بھی جیل جا چکے ہیں جس کے بعد 2013 میں وہ سابق صدر عبداللہ یامین کے قریبی اتحادی وہئے جو منی لانڈرنگ کے جرم میں 5 سال قید اور 50 لاکھ ڈالر جرمانے کی سزا بھگت رہے ہیں۔مالدیپ کی عدالت کے ایک عہدیدار نے میڈیا کو بتایا کہ سابق صدر کے جرائم کی فہرست طویل ہے، ان سنگین جرائم میں محض 20 سال قید معمولی سزا ہے۔ سابق صدر کے پولیس سے تعاون اور ریاست کی مدد کرنے کی وجہ سے سزا میں نرمی برتی گئی ہے۔واضح رہے کہ منی لانڈرنگ اور شوت خوری کے مقدمات میں رواں برس جولائی کو کریمنل کورٹ نے سابق صدر احمد ادیب کو بری کردیا تھا لیکن پراسیکیوٹر نے اس فیصلے کو ہائی کورٹ میں چیلنج کیا جس پر اب عدالت عالیہ نے نیا فیصلہ سنا دیا۔
