Map News

پاکستان نے افغانستان سے تازہ پھلوں کی درآمد پر سیلز ٹیکس کی چھوٹ دے دی

اسلام آباد(میپ نیوز) پاکستان نے افغانستان سے تازہ پھلوں کی درآمد پر عائد سیلز ٹیکس کی وصولی روک دی ہے۔فیڈرل بورڈ آف ریونیو(ایف بی آر) نے کلکٹریٹس آف کسٹمز کو چند روز قبل صدارتی آرڈیننس کے زریعے افغانستان سےتازہ پھلوں کی درآمد پر عائد کردہ سیلز ٹیکس وصول کرنے سے روک دیاہے صرف افغانستان سے سیب کی درآمد پر سیلز ٹیکس وصول کیا جائے باقی تازہ پھلوں کی افغانستان سے درآمد پر سیلز ٹیکس وصول نہیں ہوگا۔ایف بی آر کے چیف کسٹمز فیسی لیٹیشن اینڈ کمپلائنس عبدالحمید مروت کی جانب سے مراسلہ جاری کیا گیا ہے جس کی ایف بی آر حکام نےتصدیق کردی ہے ، ایکسپریس کو دستیاب مراسلے کی نقل کے مطابق مراسلہ کلکٹریٹ کسٹمز پشاور اور کلکٹریٹ کسٹمز کوئٹہ کو ارسال کیا گیا ہے جس میں بتایا گیا ہے کہ افغانستان سے تازہ پھلوں کی درآمد پر سیلز ٹیکس وصول نہیں کیا جائے گا،افغانستان سے صرف سیب کی درآمد پر سیلز ٹیکس لاگو ہوگا۔مراسلے میں مزید کہا گیا ہے کہ صدر کی جانب سے جاری کردہ ٹیکس قوانین تھرڈ ترمیمی آرڈیننس میں افغانستان سے تازہ پھلوں کی درآمد پر سیلز ٹیکس عائد کیا گیا تھا، جس پرچیمبر آف کامرس اینڈانڈسٹریز کے نمائندہ وفد نے ایف بی آر حکام سے ملاقات میں ایشو اٹھایا ۔ سرحد چیمبر آف کامرس کے تحفظات دور کرنے کیلئے معاملے کا جائزہ لیا گیا جس کی روشنی میں افغانستان سے سیب کے علاوہ باقی تمام تازہ پھلوں کی درآمد پرسیلز ٹیکس وصول نہیں کیا جائے گا۔ایف بی آر حکام نے بتایا ہے کہ صدارتی آرڈیننس میں غلطی سے افغانستان سے تمام تازہ پھلوں کی درآمد پر سیلز ٹیکس عائد ہوگیا تھا اب دوبارہ آرڈیننس کے ذریعے اس غلطی کی تصحیع کی جائے گی مگر چونکہ افغانستان سے تازہ پھلوں کی کنسائنمنٹ آئی ہوئی تھیں اس لیے یہ مراسلہ جاری کرکے درآمدی پھلوں پر سیلز ٹیکس وصولی سے روکا گیا ہے، البتہ سیب کی درآمد پر سیلز ٹیکس لاگو رہے گا کیونکہ سیب ایران سے آتا ہے اور اس اقدام بارے متعلقہ کلکٹریٹ کسٹمز کو مراسلہ جاری کرکے افغانستان سے درآمد ہونے والے تازہ پر پھلوں پر صفر سیلز ٹیکس لاگو ہونے سے متعلق آگاہ کردیا گیا ہے،صرف سیب کی درآمد پر سیلز ٹیکس عائد ہوگا۔

سب سے زیادہ پڑھی جانے والی مقبول خبریں


دلچسپ و عجیب

سائنس اور ٹیکنالوجی

اہم خبریں

تمام اشاعت کے جملہ حقوق بحق ادارہ محفوظ ہیں۔
Copyright © 2021 Map News. All Rights Reserved